Chandrababu : విజన్ 2047 డాక్యుమెంట్ తో ఏపీని ముందుకు తీసుకెళతాం

పీ -4 తోనే పేదరికం నిర్మూలన సాధ్యమవుతుందని చంద్రబాబు నాయుడు అన్నారు. రాష్ట్రంలో మౌలిక సదుపాయాలను అభివృద్ధి చేయడంతో సంపద సృష్టించవచ్చని చంద్రబాబు అన్నారు. ప్రతి ఇంటిలోనూ ఒకరు పారిశ్రామికవేత్తగా ఉండాలన్న లక్ష్యంతో ముందుకు వెళుతున్నామని చంద్రబాబు తెలిపారు. అలాగే పేదరికం లేని రాష్ట్రంగా ఏపీని తయారు చేయాలన్న ఉద్దేశ్యంతోనే ఈ విజన్ డాక్యుమెంట్ ను రూపొందించామని తెలిపారు. రొటీన్ గా చే్స్తే ఎక్కడున్నామో అక్కడే ఉంటామని, అందుకే రొటీన్ కు భిన్నంగా విన్నూత్న ఆలోచనలతో ఏపీని ముందుకు తీసుకెళతామని అసెంబ్లీలో చంద్రబాబు మాట్లాడుతూ చెప్పుకొచ్చారు. మహిళ సాధికారికత, ఉపాధి అవకాశాలు కల్పించడంపై దృష్టిపెడతామని తెలిపారు.