Free Gas Cylinder : ఉచిత గ్యాస్ సిలిండర్ ను వినియోగించుకుంది అరకోటి మంది
ఆంధ్రప్రదేశ్ లో మహిళలకు ఉచిత గ్యాస్ సిలిండర్ల పంపిణీ కార్యక్రమం దీపావళి నుంచి ప్రారంభమయింది
ఆంధ్రప్రదేశ్ లో మహిళలకు ఉచిత గ్యాస్ సిలిండర్ల పంపిణీ కార్యక్రమం దీపావళి నుంచి ప్రారంభమయింది. ఇప్పటి వరకూ మూడు వారాల్లో దీపం 2 పథకం కింద యాభై లక్షల మంది లబ్దిదారులకు ఉచిత గ్యాస్ సిలిండర్ల పంపిణీ చేసినట్లు పౌరసరఫరాల శాఖ మంత్రి నాదెండ్ల మనోహర్ తెలిపారు. గ్యాస్ కంపెనీలు ఇచ్చిన అధికారిక లెక్కల ప్రకారం రాష్ట్రంలో 1 కోటి 55 లక్షల 200 ల గ్యాస్ కనెక్షన్లు ఉన్నాయన్న నాదెండ్ల దీపం-2 పథకంపై వస్తున్న తప్పుడు ప్రచారాలను ప్రజలు నమ్మొద్దని తెలిపారు. అర్హులైన చివరి లబ్ధిదారు వరకు ఉచిత గ్యాస్ సిలిండర్లు పంపిణీ చేస్తామని తెలిపారు. మహిళల ఆరోగ్య భద్రతే కూటమి ప్రభుత్వ లక్ష్యమని ఆయన తెలిపారు. శుక్ర‌వారం విజ‌య‌వాడ, కృష్ణ‌లంక‌లోని కోత మిష‌న్ రోడ్డు ప్రాంతంలో జ‌రిగిన దీపం-2 ప్ర‌త్యేక కార్య‌క్ర‌మంలో మంత్రి నాదెండ్ల మనోహర్ పాల్గొని లబ్ధిదారు ఎం.కోటేశ్వ‌ర‌మ్మ, కుటుంబ స‌భ్యుల‌తో ముచ్చ‌టించారు.