జగన్ కు సోము వీర్రాజు ఘాటు లేఖ

ఆంధ్రప్రదేశ్ ముఖ్యమంత్రి వైఎస్ జగన్ కు బీజేపీ రాష్ట్ర అధ్యక్షుడు సోము వీర్రాజు లేఖ రాశారు. జాబ్ క్యాలెండర్ ను వెంటనే విడుదల చేయాలని కోరారు. ఏపీలో ఉపాధి అవకాశాలు లేక నిరుద్యోగ యువత ఇతర ప్రాంతాలకు వలస వెళ్లిపోతున్నారని ఆందోళన వ్యక్తం చేశారు. ప్రతి జనవరి లో జాబ్ క్యాలెండర్ విడుదల చేస్తానని చెప్పిన ముఖ్యమంత్రి జగన్ హామీ ఏమయిందని సోము వీర్రాజు ప్రశ్నించారు. ప్రభుత్వ శాఖల్లో మూడు లక్షలకు పైగా ఖాళీలున్నా ప్రభుత్వం పట్టించుకోవడం లేదన్నారు. అధికారంలోకి వచ్చిన నాటి నుంచి ఎటువంటి నోటిఫికేషన్ ఇవ్వలేదని సోము వీర్రాజు గుర్తు చేశారు.