ఆ ఘనత చంద్రబాబుది కాదు.. పీవీది

పొదుపు సంఘాల ఘనత చంద్రబాబుది కాదని, మాజీ ప్రధాని పీవీ నరసింహారావుది అని బీజేపీ రాష్ట్ర అధ్యక్షుడు సోము వీర్రాజు అన్నారు. పొదుపు సంఘాల ఘనత తనదేనని చంద్రబాబు చెప్పుకోవడం విడ్డూరంగా ఉందన్నారు. తమ మిత్రపక్ష మైన జనసేన ఇళ్ల పథకానికి సంబంధించి సోషల్ ఆడిట్ చేస్తుంటే వైసీపీ ఎమ్మెల్యేలు అడ్డుకుంటున్నారని సోము వీర్రాజు ఆరోపించారు. ఇలా చేస్తే బీజేపీ కూడా రోడ్డు మీదకు వచ్చి ఆందోళన చేస్తుందని హెచ్చరించారు. కేంద్ర ప్రభుత్వం ఇరవైఐదు లక్షల ఇళ్లను కేటాయించిన విషయాన్ని ఆయన గుర్తు చేశారు.