Andhra Pradesh : అమరావతి పనులకు గ్రీన్ సిగ్నల్ .. ఇక పనులన్నీ వేగంగానే

అందులో భాగంగానే అమరావతి రాజధానిలో మొత్తం ఇరవై ఇంజనీరింగ్ పనులకు 8821 కోట్ల రూపాయల పరిపాలన అనుమతులకు కేబినెట్ ఆమోదం తెలిపింది. ఈ పనులు చేపట్టేందుకు 24, 316 కోట్ల రూపాయల మంజూరు ప్రతిపాదనకు ఆమోదించారు. 176 మంజూరు కేడర్ స్ట్రెంత్‌ను నూతనంగా ఏర్పాటైన 12 నగర పంచాయతీలు మున్సిపాలిటీలకు ట్రాన్స్‌ఫర్ చేసేందుకు ఆమోదం తెలిపారు. ఏపీ రియల్ ఎస్టేట్ అప్పిలేట్ ట్రిబ్యునల్‌కు 14 పోస్టులకు గ్రీన్‌సిగ్నల్ ఇచ్చారు. అమరావతి అభివృద్ధికి హడ్కో నుంచి 11 వేల కోట్ల రూపాయలు కేఎఫ్ డబ్ల్యు నుంచి 16 వేల కోట్ల రూపాయల రుణం తీసుకోవడానికి ఆమోదం లభించింది.దీంతో అమరావతి పనులకు ఇక నిధుల సమస్య కూడా ఉండదు.

అమరావతి పనులను ఎంత వేగంగా పూర్తి చేయగలిగితే అంత మంచిదని చంద్రబాబు భావిస్తున్నారు. ఎన్నికలు ఎప్పుడొచ్చినా అందమైన అమరావతిని రాష్ట్రప్రజలకు చూపించడానికి ఆయన తహతహలాడుతున్నారు. అందులో భాగంగానే వరసగా సీఆర్డీఏసమావేశాలను నిర్వహించడమే కాకుండా అధికారులను ఉరుకులు,పరుగులు పెట్టిస్తున్నారు. రాజధాని నిర్మాణాన్ని ప్రధమ ప్రాధాన్యతగా తీసుకోవాలని చంద్రబాబు పదే పదే చెప్పడంతో ఇప్పుడంతా అమారావతి మయంగా మారింది. ముందు రాజధాని నిర్మాణం పూర్తయితే పెట్టుబడులు భారీగా వస్తాయని తద్వారా సంపద పెరుగుతుందని చంద్రబాబు భావిస్తున్నారు. అప్పుడు సంక్షే మ పథకాలను అమలు చేయడానికి వెసులుబాటు చిక్కుకుందని అనుకుంటున్నారు. అందుకే అమరావతికి అంత ప్రయారిటీని చంద్రబాబు ఇస్తున్నారు.