Ys jagan : చంద్రబాబు హయాంలో అన్నీ స్కాంలే...ఒక్క స్కీం పేరు చెప్పండి

పంట రుణాలను సున్నా వడ్డీ కింద ఇస్తున్నామని ఆయన తెలిపారు. పథ్నాలుగేళ్లు ముఖ్యమంత్రిగా ఉన్న చంద్రబాబు సున్నా వడ్డీని ఎందుకు నీరుగార్చారని ఆయన నిలదీశారు. రైతన్నల బాగోగుల కోసం ఎంతో చేయాలని తాను ప్రయత్నం చేస్తున్నామని తెలిపారు. రైతులకు మంచి చేయాలనే ఆలోచన తప్ప మరొకటి లేదన్నారు. పాడి రైతులను కూడా ఆదుకుంటున్నామని తెలిపారు. అదనంగా ఆదాయం వచ్చేటట్లు చేస్తున్నామని చెప్పారు. 53 నెలల కాలంలో ఒక్క రైతన్నకు తోడుగా ఉండేందుకే లక్షా 75 వేల కోట్ల రూపాయలను ఇచ్చామని తెలిపారు. ఇన్‌ఫుట్ సబ్సిడీ కింద 1976 కోట్ల రూపాయలను ఇచ్చామని చెప్పారు. వ్యవసాయానికి ఉచిత విద్యుత్తు కింద 45 వేల కోట్ల రూపాయలను ఇచ్చామని ఆయన వివరించారు.

చంద్రబాబుకు అధికారం కావాల్సింది ప్రజలకు మంచి చేయడం కోసం కాదని, గజదొంగల ముఠాకు సాయం చేయడం కోసమేనని అన్నారు. దోచుకునేందుకు పంచుకునేందుకు ఈ దొంగల ముఠాకు అధికారం కావాలన్నారు. చంద్రబాబు పేరు చెబితే ఒక్క మంచి పథకం పేరు అయినా గుర్తొస్తుందా? అని జగన్ ప్రశ్నించారు. గతం కన్నా తాము అప్పులు చేశామని, కానీ అవి పేదలకు పంచుతున్నామని తెలిపారు. చంద్రబాబు హయాంలో అన్నీ స్కామ్ లేనని, స్కీమ్ లు లేవని ఆయన అన్నారు. జగనన్న ఆరోగ్య సురక్ష కార్యక్రమం కింద ప్రజల ఆరోగ్యంపై ప్రభుత్వం శ్రద్ధ పెట్టిందన్నారు. అబద్ధాలు, మోసాలు నమ్మవద్దని, ప్రతి ఇంటికీ కేజీ బంగారం, బెంజ్ కారు ఇస్తామని చెప్తారని, కానీ వాటిని నమ్మి మోసపోవద్దని జగన్ కోరారు.