Tiruamala : నేడు తిరుమలలో నేరుగా స్వామి వారి దర్శనం

ఈరోజు తిరుమలలోని వైకుంఠం క్యూ కాంప్లెక్స్ లోని అన్ని కంపార్ట్‌మెంట్లు ఖాళీగానే ఉన్నాయి. భక్తులు నేరుగా స్వామి వారిని దర్శించుకునే వీలుంది. ఉచిత దర్శనం క్యూ లైన్ లోకి టోకెన్లు లేకుండా వచ్చిన భక్తులకు శ్రీవారి దర్శనం ఆరు గంటల సమయం పడుతుందని తిరుమల తిరుపతి దేవస్థానం అధికారులు తెలిపారు. టైమ్ స్లాట్ దర్శనం భక్తులకు శ్రీవారి దర్శనం రెండు గంటల్లో పూర్తవుతుందని అధికారులు వెల్లడించారు. మూడు వందల రూపాయల ప్రత్యేక దర్శనం టిక్కెట్లు కొనుగోలు చేసిన భక్తులకు శ్రీవారి దర్శనం గంట నుంచి రెండు గంటలలో పూర్తవుతుంది. దీంతో ఎక్కువ మంది భక్తులు రెండు సార్లు స్వామి వారిని దర్శించుకుంటున్నారు. నిన్న తిరుమల శ్రీవారిని 74,498 మంది భక్తులు దర్శించుకున్నారు. వీరిలో 25,355 మంది భక్తులు తమ తలనీలాలను సమర్పించి మొక్కులు చెల్లించుకున్నారు. నిన్న తిరుమల శ్రీవారి హుండీ ఆదాయం 4.06 కట్ల రూపాయల ఆదాయం వచ్చిందని అధికారులు తెలిపారు.