Tiruamla : తిరుమలలో నేడు సులువుగానే స్వామి వారి దర్శనం

తిరుమలలో రద్దీ కొంత వరకూ తగ్గడంతో అధికారులు దసరాకు సంబంధించిన ఏర్పాట్లను ప్రశాంతంగా చేసుకుంటున్నారు. ఈరోజు తిరుమలలోని వైకుంఠం క్యూ కాంప్లెక్స్‌లోని ఒక కంపార్ట్‌మెంట్‌లోనే భక్తులు వేచి ఉన్నారు. ఉచిత దర్శనం క్యూ లైన్ లోకి ఉదయం ఏడు గంటలకు టోకెన్లు లేకుండా వెళ్లిన భక్తులకు శ్రీవారి దర్శనం ఆరు గంటల సమయంలోనే పూర్తవుతుందని తిరుమల తిరుపతి దేవస్థానం అధికారులు చెబుతున్నారు. టైమ్ స్లాట్ టోకెన్లున్న భక్తులకు మూడు గంటల సమయంలో దర్శనం పూర్తవుతుంది. మూడు వందల రూపాయల ప్రత్యేక దర్శనం టిక్కెట్లను కొనుగోలు చేసిన భక్తులకు శ్రీవారి దర్శనం రెండు నుంచి మూడు గంటల సమయంలో పూర్తవుతుందని అధికారులు వెల్లడించారు. భక్తులు క్యూ లైన్ లో పెద్దగా వేచి ఉండటం లేదు. నేరుగా వెళుతున్న సందర్భాలున్నాయి. నిన్న తిరుమల శ్రీవారిని 65,604 మంది భక్తులు దర్శించుకున్నారు. వీరిలో 24,266 మంది భక్తులు తలనీలాలను సమర్పించుకున్నారు. నిన్న తిరుమల శ్రీవారి హుండీ ఆదాయం 3.85 కోట్ల రూపాయలు వచ్చిందని అధికారులు వెల్లడించారు.