Andhra Pradesh : ఏపీలో బాదుడు మొదలు.. విద్యుత్తు ఛార్జీల మోత?

గత ప్రభుత్వం ఇదే రకంగా ట్రూ అప్ ఛార్జీలను అమలు చేసి విద్యుత్తు ఛార్జీల భారం మోపింది. అప్పుడు ఆ ధరలపై మండిపడ్డ చంద్రబాబు నాయుడు ఇప్పుడు అదే మార్గంలో పయనిస్తుండటం విడ్డూరంగా ఉందని వైరి పక్షాలు వ్యాఖ్యానిస్తున్నాయి. ప్రజలపై భారం మరింత మోపడానికే తెలియకుండానే ఈ విద్యుత్తు ఛార్జీల మోత పడనుంది. సర్దుబాటు ఛార్జీల పేరుతో వడ్డనకు దిగితే ఆందోళనకు దిగుతామని సీీపీఎం నేతలు హెచ్చరిస్తున్నారు.మరో వైపు ప్రభుత్వం నుంచి ఈ ప్రతిపాదనలపై ఎలాంటి కామెంట్స్ రాలేదు. ఎవరూ దీనిపై స్పందించకపోవడంతో విపక్షాలు, ప్రజలు మరింత బలపడే అవకాశముంది.

నిజానికి కూటమిగా ఏర్పడిన టీడీపీ, బీజేపీ కూడా తమ ఎన్నికల మ్యానిఫేస్టోలో విద్యుత్తు ఛార్జీలను పెంచబోమని చెప్పింది. దీంతో పాటు ప్రతి ఎన్నికల ప్రచార సభలో చంద్రబాబు, పవన్ కల్యాణ్ లు బాదుడే బాదుడు అంటూ వ్యంగ్యాస్త్రాలు విసిరారు. వైసీపీ ఓటమికి విద్యుత్తు ఛార్జీలు పెంచడం కూడా ఒక కారణమని అంటారు. చిరు వ్యాపారులు ముఖ్యంగా విద్యుత్తు ఛార్జీలు చెల్లించలేక అనేక ఆర్థిక ఇబ్బందులు పడ్డారని అనేక మంది గుర్తు చేస్తున్నారు. కానీ కూటమి ప్రభుత్వం మాత్రం అధికారంలోకి వచ్చిన వంద రోజుల తర్వాత ఈ విద్యుత్తు ఛార్జీల పెంపు ప్రతిపాదన తేవడంపై విపక్షాలే కాదు జనాగ్రాహానికి కూడా రాష్ట్ర ప్రభుత్వం గురికాక తప్పదన్న విశ్లేషణలు వినిపిస్తున్నాయి.

.