Andhra Pradesh : ఇక ఆ విద్యార్థులకు ఆ దిగులు లేదు.. వాళ్లందరీకి ఉచితం.. గుడ్ న్యూస్ చెప్పిన సర్కార్

ఆంధ్రప్రదేశ్ లో కళాశాలలు ప్రారంభమయ్యాయి. అయితే ప్రభుత్వ కళాశాలలో చదువుతున్న విద్యార్థులు పాఠ్యపుస్తకాలు, నోట్ పుస్తకాలు కొనుగోలు చేయలేక అవస్థలు పడుతున్నారు. ఆర్థికంగా వారికి భారంగా మారింది. గత ప్రభుత్వం కేవలం పాఠశాల విద్యార్థులకు మాత్రమే పాఠ్యపుస్తకాలను, నోట్ బుక్స్ ను పంపిణీ చేయాలని, కళాశాల విద్యార్థులకు నిలిపేయాలని ఆదేశించింది. అయితే దీనిపై సమీక్ష నిర్వహించిన నారా లోకేష్ అందరికీ ఉచితంగా పాఠ్య పుస్తకాలను పంపిణీ చేయాలని, దాంతో పాటు నోట్ బుక్స్ కూడా ప్రభుత్వమే ఉచితంగా ఇవ్వాలని ఆదేశాలు జారీ చేశారు.

దీంతో కళాశాల విద్యార్థులందరికీ ఉచితంగా పాఠ్య పుస్తకాలు పంపిణీ చేయడానికి ఉన్నత విద్యాశాఖ చర్యలు ప్రారంభించింది. ఉత్తర్వులు కూడా వెలువడటంతో అందరికీ ఉచితంగా పంపిణ ీచేసేందుకు సిద్ధమయింది. ఇంటర్మీడియట్ విద్యను అభ్యసిస్తున్న వారందరీకీ ఉచితంగా పాఠ్యపుస్తకాలను, నోట్ బుక్స్ ను పంపిణీ చేయనున్నారు. ప్రభుత్వ కళాశాలలు, కస్తూరీబా గాంధీ బాలిక విద్యాలయాలు, ఏపీ రెసిడెన్షియల్ కళాశాలల్లో చదువుతున్న దాదాపు రెండు లక్షల మంది విద్యార్థులకు పన్నెండు నోటు పుస్తకాలతో పాటు పాఠ్య పుస్తకాలను కూడా ప్రభుత్వం ఉచితంగా అందచేయనుంది. వీరికి బ్యాగ్ లు కూడా అందచేయనున్నారు.