Tirumala : నేడు తిరుమలలో భక్తుల రద్దీ ఎలా ఉందంటే?

తిరుమలలో భక్తుల సంఖ్య ఎక్కువగానే ఉంది. రద్దీ కొనసాగుతూనే ఉంది. అయితే గత వారం రోజుల నుంచి పోలిస్తే ఈరోజు కొంత భక్తుల సంఖ్య తగ్గిందనే చెప్పాలి. దసరా పండగ కావడంతో భక్తుల రాక కూడా తగ్గిందని తిరుమల తిరుపతి దేవస్థానం అధికారులు తెలిపారు. ఇటీవల కొన్ని రోజుల పాటు భక్తుల సంఖ్య అధికంగా ఉంది. కంపార్ట్‌మెంట్లన్నీ నిండిపోయి బయట వరకూ క్యూ లైన్‌లు విస్తరించేవి. తిరుమలలో నిల్చునేందుకు కూడా చోటు దక్కే స్థలం ఉండేది కాదు. వసతి గృహాలు కూడా దొరకడం కష్టంగా మారింది. ఎక్కడ చూసినా రద్దీ కనిపించేది. కానీ ఈరోజు మాత్రం కొంత భక్తుల సంఖ్య తగ్గిందని చెప్పాలి. దసరా పండగను ఇంటి వద్ద జరుపుకోవడం సంప్రదాయంగా వస్తుండటంతో ప్రజలు ఇళ్లకే పరిమితమయ్యారు. తిరుపతి చుట్టుపక్కల ప్రాంతాల ప్రజలు మాత్రమే తిరుమల చేరుకుని స్వామి వారిని దర్శించుకుని తమ మొక్కులు తీర్చుకుంటున్నారని అధికారులు వెల్లడించారు.