రద్దీ ఈరోజు ఎలా ఉందంటే?

తిరుమలలో భక్తుల రద్దీ కొనసాగుతుంది. శుక్రవారం కావడంతో భక్తుల రద్దీ మరింత పెరిగింది.

Update: 2023-03-31 03:34 GMT

తిరుమలలో భక్తుల రద్దీ కొనసాగుతుంది. శుక్రవారం కావడంతో భక్తుల రద్దీ మరింత పెరిగింది. రేపు శని, ఆదివారాలు భక్తుల సంఖ్య మరింత పెరగనుంది. ఇంటర్మీడియట్ పరీక్షలు కూడా ముగియడంతో తిరుమలకు భక్తుల రాక ఎక్కువగా ఉంటుందని తిరుమల తిరుపతి దేవస్థానం అధికారులు అంచనా వేస్తున్నారు. నేడు వైకుంఠం క్యూ కాంప్లెక్స్‌లోని పదమూడు కంపార్ట్‌మెంట్లలో భక్తులు శ్రీవారి దర్శనం కోసం వేచి చూస్తున్నారు. సర్వదర్శనం క్యూ లైన్ లో వేచి ఉన్న భక్తులకు దర్శన సమయం ఐదు గంటలు పడుతుందని అధికారులు తెలిపారు.

పది గంటల్లో...
సర్వదర్శనం టోకెన్లు లేకుండా ఈరోజు ఉదయం ఏడు గంటలకు క్యూ లైన్‌లో ప్రవేశించే భక్తులకు దర్శన సమయం పది గంటలు పడుతుందని తిరుమల తిరుపతి దేవస్థానం అధికారులు తెలిపారు. శీఘ్రదర్శనం టిక్కెట్లు కొనుగోలు చేసిన భక్తులకు రెండు నుంచి మూడు గంటల సమయం శ్రీవారి దర్శనానికి పడుతుంది. నిన్న తిరుమల శ్రీవారిని 60,699 మంది భక్తులు స్వామి వారిని దర్శించుకున్నారు. వీరిలో 23,096 మంది భక్తులు తలనీలాలను సమర్పించి తమ మొక్కులు చెల్లించుకున్నారు. నిన్న తిరుమల శ్రీవారి హుండీ ఆదాయం నాలుగు కోట్ల రూపాయలు వచ్చినట్లు అధికారులు తెలిపారు.


Tags:    

Similar News