Tirumala : కలియుగ వైకుంఠంలో తగ్గని భక్తుల రద్దీ.. క్యూలైన్లు నిండిపోయి

ఈరోజు కూడా తిరుమలలోని వైకుంఠం క్యూకాంప్లెక్స్‌లోని 31 కంపార్ట్‌మెంట్లలో భక్తులు శ్రీవారి దర్శనం కోసం వేచి ఉన్నారు. సర్వదర్శనం క్యూ లైన్ లో ఉదయం ఏడు గంటలకు టోకెన్లు లేకుండా ప్రవేశించిన భక్తులకు శ్రీవారి దర్శనం పద్దెనిమిది గంటల సమయం పడుతుందని అధికారులు తెలిపారు. కంపార్ట్‌మెంట్లలో ఉన్న భక్తులకు ఉచితంగా అన్నప్రసాదాలను పంపిణీ చేస్తున్నారు. నిన్న తిరుమల శ్రీవారిని 77,878 భక్తులు శ్రీవారిని దర్శించుకున్నారు. వీరిలో 30,140 మంది భక్తులు తలనీలాలను సమర్పించి మొక్కులు చెల్లించుకున్నారని తిరుమల తిరుపతి దేవస్థానం అధికారులు తెలిపారు. నిన్న తిరుమల శ్రీవారి హుండీ ఆదాయం 4.46 కోట్ల రూపాయలు వచ్చిందని అధికారులు తెలిపారు. మరికొన్ని రోజులు ఇదే తరహా రద్దీ కొనసాగే అవకాశముందని అధికారులు చెబుతున్నారు.