తిరుమలలో కొనసాగుతున్న రద్దీ
తిరుమలలో భక్తుల రద్దీ కొనసాగుతుంది. 30 కంపార్ట్‌మెంట్లలో భక్తులు శ్రీవారి దర్శనం కోసం వేచి ఉన్నారు
తిరుమలలో భక్తుల రద్దీ కొనసాగుతుంది. వైకుంఠం క్యూ కాంప్లెక్స్ లోని 30 కంపార్ట్‌మెంట్లలో భక్తులు శ్రీవారి దర్శనం కోసం వేచి ఉన్నారు. శ్రీవారి దర్శనానికి 16 గంటల సమయం పడుతుందని తిరుమల తిరుపతి దేవస్థానం అధికారులు చెబుతున్నారు. సెలవులు పూర్తయినా భక్తులు మాత్రం తిరుమలలో తగ్గడం లేదు. అందుకు తగిన విధంగా ఏర్పాట్లు చేస్తున్నామని, వసతి, అన్నప్రసాద సౌకర్యాలను ఏర్పాటు చేస్తున్నామని అధికారులు వెల్లడించారు.
హుండీ ఆదాయం...
నిన్న తిరుమల శ్రీవారిని 72,851 మంది భక్తులు దర్శించుకున్నారు. 34,404 మంది భక్తులు తలనీలాలను సమర్పించుకుని తమ మొక్కులు తీర్చుకున్నారు. నిన్న తిరుమల శ్రీవారి హుండీ ఆదాయం 4.73 కోట్ల రూపాయలుగా ఉందని తిరుమల, తిరుపతి దేవస్థానం అధికారులు తెలిపారు. 300 రూపాయల ప్రత్యేక దర్శనం టిక్కెట్ తీసుకున్న వారికి దర్శనం నాలుగు గంటల సమయం పడుతుంది.