Tirumala : తిరుమలలో కొనసాగుతున్న రద్దీ మంగళవారం కూడా?

తిరుమలలో భక్తుల రద్దీ గతంలో ఎప్పుడూ ఇంత లేదని సిబ్బంది చెబుతున్నారు. దీనివల్ల స్వామి వారి ఆదాయం పెరగడమే కాకుండా చిరు వ్యాపారులు కూడా లబ్దిపొందుతున్నారు. ఈరోజు తిరుమలలోని వైకుంఠం క్యూ కాంప్లెక్స్ లోని 31 కంపార్ట్‌మెంట్లలో భక్తులు శ్రీవారి దర్శనం కోసం వేచి చూస్తున్నారు. ఉచిత దర్శనం క్యూలైన్ లోకి ఈరోజు ఉదయం ఏడు గంటలకు టోకెన్లు లేకుండా ప్రవేశించిన భక్తులకు స్వామి వారి దర్శనం ఇరవై గంటల సమయం పడుతుందని తిరుమల తిరుపతి దేవస్థానం అధికారులు చెబుతున్నారు. నిన్న తిరుమల శ్రీవారిని 76,910 మంది భక్తులు దర్శించుకున్నారు. వీరిలో 30,320 మంది భక్తులు తమ తలనీలాలను సమర్పించుకుని మొక్కులు చెల్లించుకున్నారు. నిన్న తిరుమల శ్రీవారి హుండీ ఆదాయం 4.26 కోట్ల రూపాయల ఆదాయం వచ్చిందని అధికారులు తెలిపారు.