Tirumala : వైకుంఠ నిలయంలో కొనసాగుతున్న రద్దీ.. కారణమిదే?

ఈరోజు తిరుమలలోని 31 కంపార్ట్‌మెంట్లలో భక్తులు శ్రీవారి దర్శనం కోసం వేచి ఉన్నారు. ఉచిత దర్శనం క్యూ లైన్ లోకి ఉదయం ఏడు గంటలకు టోకెన్లు లేకుండా ప్రవేశించిన భక్తులకు శ్రీవారి దర్శనం పద్దెనిమిది గంటల సమయం పడుతుంది. క్యూ లైన్ లో ఉన్న భక్తులకు శ్రీవారి సేవకులు ఉచితంగా అన్న ప్రసాదాలను అందచేస్తున్నారు. నిన్న తిరుమల శ్రీవారిని 75,054 మంది దర్శించుకున్నారు. వీరిలో 26,239 మంది భక్తులు తమ తలనీలాలను సమర్పించుకుని మొక్కులు చెల్లించుకున్నారని తిరుమల తిరుపతి దేవస్థానం అధికారులు తెలిపారు. నిన్న తిరుమల శ్రీవారి హుండీ ఆదాయం 4.72 కోట్ల రూపాయలు వచ్చిందని ఆలయ అధికారులు వెల్లడించారు. ముందుగా బుక్ చేసుకుని వెళ్లిన వారికి మాత్రం ఎలాంటి ఇబ్బందులుండవు. అప్పటికప్పుడు అనుకుని వెళుతున్న భక్తులు మాత్రం కొంత ఇబ్బందులు పడుతున్నారు.