Tirumala : నేడు తిరుమలలో దర్శనానికి ఎంత సమయం అంటే?

తిరుమలలో భక్తుల రద్దీ ఒక్కసారిగా పెరిగింది. ఆదివారం కావడంతో భక్తులు అధిక సంఖ్యలో తిరుమలకు చేరుకున్నారు. తిరుమలలోని వీధులన్నీ భక్తులతో నిండిపోయి గోవింద నామ స్మరణలతో మారుమోగిపోతున్నాయి. వరస సెలవులు రావడంతో అత్యధిక సంఖ్యలో భక్తులు తిరుమలకు చేరుకున్నారు. ఇటీవల కొద్ది రోజుల పాటు స్వల్పంగా కనిపించిన భక్తుల సంఖ్య మళ్లీ రైళ్ల రాకపోకలు, రవాణా వ్యవస్థ మెరుగుపడటంతో తిరుమలకు భక్తుల తాకిడి పెరిగింది. దీంతో దర్శనానికి గంటల సమయం పడుతుంది. అన్నప్రసాదం వద్ద, వసతి గృహాల వద్ద ఎక్కువ సమయం భక్తులు క్యూ లైన్లలో నిల్చోవాల్సి ఉంటుంది. నిన్న శనివారం కూడా భక్తులు అధిక సంఖ్యలోనే వచ్చారు. అయితే భక్తులకు సంఖ్యకు అనుగుణంగా తిరుమల తిరుపతి దేవస్థానం అధికారులు అన్ని ఏర్పాట్లు చేస్తున్నారు. భక్తులు ఎలాంటి ఇబ్బందులు పడకుండా అన్ని జాగ్రత్తలు తీసుకుంటున్నారు. క్యూ లైన్లలో ఉచితంగా అన్న ప్రసాదాలను, మంచినీటిని భక్తులకు శ్రీవారి సేవకులు అందిస్తున్నారు.