ఈరోజు తిరుమల వెళ్లండి... రష్ లేదు
తిరుమలలో భక్తుల రద్దీ తగ్గింది. స్వామి వారి దర్శనానికి కేవలం నాలుగు గంటల సమయం మాత్రమే పడుతుంది
తిరుమలలో భక్తుల రద్దీ తగ్గింది. స్వామి వారి దర్శనానికి కేవలం నాలుగు గంటల సమయం మాత్రమే పడుతుంది. వైకుంఠం క్యూ కాంప్లెక్స్‌లోని రెండు కంపార్ట్‌మెంట్లలోనే భక్తులు శ్రీవారి దర్శనం కోసం వేచి ఉన్నారు. సర్వదర్శనం క్యూ లైన్ లో ఉన్న భక్తులకు, కాలినడకన వచ్చిన భక్తులకు కేవలం నాలుగు గంటల్లో శ్రీవారి దర్శనం పూర్తవుతుంది. ఇక సర్వదర్శనం క్యూ లైన్ లోకి ఈరోజు ఉదయం టోకెన్లు లేకుండా వచ్చిన భక్తులకు మాత్రం స్వామి వారి దర్శనం పన్నెండు గంటల సమయం పడుతుందని తిరుమల తిరుపతి దేవస్థానం అధికారులు తెలిపారు.
ప్రత్యేక దర్శనం...
మూడు వందల రూపాయల ప్రత్యేక దర్శనం టిక్కెట్లు కొనుగోలు చేసిన భక్తులకు మాత్రం శ్రీవారి దర్శనం మూడు గంటల సమయంలో పూర్తవుతుందని తిరుమల తిరుపతి దేవస్థానం అధికారులు చెబుతున్నారు. నిన్న తిరుమల శ్రీవారిని 63,244 మంది భక్తులు మాత్రమే దర్శించుకున్నారు. వీరిలో 27,054 మంది భక్తులు తలనీలాలను సమర్పించుకుని తమ మొక్కులు చెల్లించుకున్నారని టీటీడీ అధికారులు వెల్లడించారు. నిన్న తిరుమల శ్రీవారి హుండీ ఆదాయం 3.31 కోట్ల రూపాయలు వచ్చిందని అధికారులు తెలిపారు.