తిరుమలలో క్యూలైన్లలోనే భక్తులు

ఈరోజు కూడా తిరుమలలో భక్తుల రద్దీ కొనసాగుతుంది. భక్తులకు అవసరమైన ఏర్పాట్లను టీటీడీ సమకూరుస్తుంది. వసతి గృహాలు దొరకక అనేక మంది ఇబ్బందులు పడుతుండటంతో దర్శనం పూర్తయిన వారిని టీటీడీ గదులను ఖాళీ చేయించే పనిలో ఉంది. నిన్న తిరుమల శ్రీవారిని 89,013 మంది భక్తులు దర్శించుకున్నారు. 37,698 మంది భక్తులు తలనీలాలను సమర్పించి మొక్కులు తీర్చుకున్నారు. నిన్న తిరుమల శ్రీవారి హుండీ ఆదాయం 4.39 కోట్లుగా ఉందని అధికారులు వెల్లడించారు.