తిరుమలలో కొనసాగుతున్న క్యూ
తిరుమలలో భక్తుల రద్దీ కొనసాగుతుంది. వైకుంఠం కాంప్లెక్స్ లోని పది కంపార్ట్‌మెంట్లన్నీ పూర్తిగా భక్తులతో నిండిపోయాయి.
తిరుమలలో భక్తుల రద్దీ కొనసాగుతుంది. వైకుంఠం కాంప్లెక్స్ లోని పది కంపార్ట్‌మెంట్లన్నీ పూర్తిగా భక్తులతో నిండిపోయాయి. శ్రీవారి దర్శనానికి పది గంటల సమయం పడుతుందని తిరుమల తిరుపతి దేవస్థానం అధికారులు చెబుతున్నారు. రానున్న మూడు రోజుల్లో భక్తుల సంఖ్య మరింత పెరిగే అవకాశముంది. అయితే ఎంత మంది భక్తులు వచ్చినా భక్తులకు ఎలాంటి ఇబ్బందులు లేకుండా దర్శనాలను కల్పించేందుకు టీటీడీ సిద్ధంగా ఉందని అధికారులు చెబుతున్నారు.
నిన్న హుండీ....
నిన్న తిరుమల శ్రీవారిని 69,628 మంది భక్తులు దర్శించుకున్నారు. 32,604 మంది భక్తులు తమ తలనీలాలను సమర్పించుకుని మొక్కులు చెల్లించుకున్నారు. నిన్న తిరుమల శ్రీవారి హుండీ ఆదాయం 4.11 కోట్ల రూపాయలు వచ్చిందని తిరుమల తిరుపతి దేవస్థానం అధికారులు వెల్లడించారు.