Tirumala : రికార్డు స్థాయిలో ఆదాయం... నేడు కూడా బయట వరకూ క్యూ లైన్
తిరుమలలో భక్తుల రద్దీ నేడు కూడా కొనసాగుతుంది. సోమవారం అయినా భక్తుల రద్దీ ఎక్కువగా ఉంది.
తిరుమలలో భక్తుల రద్దీ నేడు కూడా కొనసాగుతుంది. సోమవారం అయినా భక్తుల రద్దీ ఎక్కువగా ఉంది. గత నాలుగు రోజుల నుంచి భక్తుల రద్దీ తో తిరుమల కిటకిటలాడుతుంది. ఎండతీవ్రత తగ్గడంతో పాటు వేసవి సెలవులు ముగియనుండటంతో రద్దీ కొనసాగుతుందని తిరుమల తిరుపతి దేవస్థానం అధికారులు తెలిపారు. మూడు వందల రూపాయల ప్రత్యేక దర్శనం టిక్కెట్లు కొనుగోలు చేసిన భక్తులకు శ్రీవారి దర్శనం మూడు నుంచి నాలుగు గంటల సమయం పడుతుంది.
క్యూ లైన్ లన్నీ...
నిన్న తిరుమల శ్రీవారిని 85,825 మంది భక్తులు దర్శించుకున్నారు. వీరిలో 36,146 మంది భక్తులు తలనీలాలను సమర్పించుకుని తమ మొక్కులు చెల్లించుకున్నారు. నిన్న తిరుమల శ్రీవారి హుండీ ఆదాయం 4.40 కోట్ల రూపాయలు వచ్చిందని తిరుమల తిరుపతి దేవస్థానం అధికారులు తెలిపారు. ఈరోజు వైకుంఠం క్యూ కాంప్లెక్స్ లోని కంపార్ట్‌మెంట్లన్నీ నిండిపోయి బయట ఏటీసీ వరకూ క్యూ లైన్ నిండి ఉంది. ఉచిత దర్శనానికి భక్తులు పదిహేను గంటల సమయం వేచి చూడాల్సి వస్తుంది.