నేడు మదనపల్లి నియోజకవర్గంలోకి లోకేష్
టీీడీపీ జాతీయ ప్రధాన కార్యదర్శి నారా లోకేష్ పాదయాత్ర 38వ రోజుకు చేరుకుంది. నేడు మదనపల్లి నియోజకవర్గంలోకి ప్రవేశిస్తుంది
తెలుగుదేశం పార్టీ జాతీయ ప్రధాన కార్యదర్శి నారా లోకేష్ పాదయాత్ర 38వ రోజుకు చేరుకుంది. ఇప్పటి వరకూ లోకేష్ 483 కిలోమీటర్ల మేర నడిచారు. ఈరోజు కూడా పీలేరు నియోజకవర్గంలోనే లోకేష్ పర్యటన కొనసాగుతుంది. ఉదయం 8 గంటలకు చింతపర్తిలోని బోయపల్లి క్రాస్ వద్ద విడిది కేంద్రంలో మహిళలతో లోకేష్ ముఖాముఖి కార్యక్రమాన్ని నిర్వహిస్తున్నారు. అనంతరం 9 గంటలకు పాదయాత్ర బయలుదేరుతుంది.
వరస సమావేశాలతో...
ఉదయం 11 గంటలకు విటలం గ్రామ ప్రజలతో లోకేష్ మాటా మంతీ జరుపుతారు. అనంతరం పునుగుపల్లిలో స్థానికులతో సమావేశమవుతారు. 12.20 గంటలకు పునుగుపల్లిలో భోజన విరామానికి ఆగుతారు. అనంతరం సాయంత్రం బయలుదేరి మూడు గంటలకు వాయల్పాడులో మైనారిటీలో లోకేష్ సమావేశమవుతారు. వాయల్పాడు ఆర్టీసీ బస్టాండ్ వద్ద స్థానికులతో వారి సమస్యలను అడిగి తెలుసుకుంటారు. అనంతరం నేడు మదనపల్లి నియోజకవర్గంలోకి పాదయాత్ర ప్రవేశిస్తుంది. రాత్రికి పూలవాండ్లపల్లిలో లోకేష్ బస చేస్తారు.