కర్నూలులోనే లోకేష్
తెలుగుదేశం పార్టీ జాతీయ ప్రధాన కార్యదర్శి నారా లోకేష్ యువగళం పాదయాత్ర నేడు 92వ రోజుకు చేరుకుంది.
తెలుగుదేశం పార్టీ జాతీయ ప్రధాన కార్యదర్శి నారా లోకేష్ యువగళం పాదయాత్ర నేడు 92వ రోజుకు చేరుకుంది. నేడు కూడా కర్నూలు నియోజకవర్గంలో జరగనుంది. ఇప్పటి వరకూ 1169 కిలోమీటర్ల మేర నారా లోకేష్ నడిచారు. ఈరోజు కర్నూలు ఎస్టీబీసీ గ్రౌండ్స్‌లో ముస్లిం సోదరులతో జరిగే ముఖాముఖి కార్యక్రమంలో లోకేష్ పాల్గొననున్నారు. ఈరోజు రాత్రికి కర్నూలు ఎస్టీబీసీ గ్రౌండ్స్‌లోనే లోకేష్ బస చేయనున్నారు.
మంచి స్పందన...
లోకేష్ పాదయాత్రకు మంచి స్పందన లభిస్తుంది. టీడీపీ నేత టీజీ భరత్‌తో పాటు జిల్లాలోని టీడీపీ నేతలు అధిక సంఖ్యలో హాజరవవుతున్నారు. బహిరంగ సభలకు కూడా ప్రజలు బాగా వస్తుండటంతో ఆయన ఉత్సాహంతో అడుగులు వేస్తున్నారు. కర్నూలు నియోజకవర్గంలో లోకేష్ పాదయాత్రకు మంచి స్పందన లభిస్తుండటంతో ఈసారి విజయం తమదేనన్న ధీమాలో టీడీపీ నేతలున్నారు. గత అసెంబ్లీ ఎన్నికల ఫలితాలు ఈసారి రివర్స్ అవుతాయని టీడీపీ నేతలు ధీమాగా ఉన్నారు.