నేడు ఆలూరులోకి లోకేష్ పాదయాత్ర
తెలుగుదేశం పార్టీ జాతీయ ప్రధాన కార్యదర్శి నారా లోకేష్ యువగళం పాదయాత్ర నేడు ఆలూరు నియోజకవర్గంలోకి ప్రవేశించనుంది
తెలుగుదేశం పార్టీ జాతీయ ప్రధాన కార్యదర్శి నారా లోకేష్ యువగళం పాదయాత్ర నేడు ఆలూరు నియోజకవర్గంలోకి ప్రవేశించనుంది. యువగళం పాదయాత్ర నేటికి 72వ రోజుకు చేరుకుంది. నేడు రాంపల్లి గ్రామ శివారు నుంచి ప్రారంభమైన పాదయాత్రలో కొద్దిసేపటి క్రితం మహిళలతో సమావేశమై లోకేష్ వారి సమస్యలపై చర్చించరు. అనంతరం ఉదయం 11.15 గంటలకు మారెళ్ల గ్రామంలో రైతులతో సమావేశమై పంటల పరిస్థితి, గిట్టుబాటు ధరలు వంటి వాటిపై చర్చించనున్నారు.
72వ రోజుకు...
అక్కడే భోజన విరామానికి ఆగుతారు. సాయంత్రం మారెళ్ల శివారు నుంచి ప్రారంభమయ్యే పాదయాత్ర 5.30 గంటలకు నల్లగుండ్లలోని గిరిన మహిళలతో లోకేష్ సమావేశమవుతారు. రాత్రి 7.10 గంటలకు ఆలూరు నియోజకవర్గంలోకి యువగళం పాదయాత్ర ప్రవేశించనుంది. అక్కడే రాత్రి బస చేయనున్నారు. కర్నూలు జిల్లాలో గత ఎన్నికల్లో ఒక్క అభ్యర్థి కూడా టీడీపీ నుంచి గెలవకపోవడంతో లోకేష్ పాదయాత్ర ఈసారి ఎన్నికలకు ప్రాధాన్యత సంతరించుకుంది. పెద్దయెత్తున అభిమానులు, పార్టీ కార్యకర్తలు హాజరై యువగళానికి మద్దతు పలుకుతున్నారు.