నేడు కోడూమూరులోకి చినబాబు
తెలుగుదేశం పార్టీ జాతీయ ప్రధాన కార్యదర్శి నారా లోకేష్ యువగళం పాదయాత్ర నేడు కోడుమూరు నియోజకవర్గంలో ప్రవేశించనుంది
తెలుగుదేశం పార్టీ జాతీయ ప్రధాన కార్యదర్శి యువగళం పాదయాత్ర నేడు కోడుమూరు నియోజకవర్గంలో ప్రవేశించనుంది. నేడు 87వ రోజు పాదయాత్ర ప్రారంభమయింది. ఎమ్మిగనూరు నియోజవర్గం నుంచి కోడూమూరు నియోజకవర్గంలోకి నేడు ప్రవేశించనుంది. ఉదయం ప్రారంభమైన పాదయాత్ర ఇప్పుడు కొనసాగుతుంది. ఉదయం 7.20 గంటలకు గాజులదిన్నె గ్రామస్థులతో సమావేశమయ్యారు నారా లోకేష్. 8.25 గంటలకు హెచ్.కైరవాడిలో రైతులతో సమావేశమయ్యారు.
బహిరంగ సభ అనంతరం...
మధ్యాహం పన్నెండు గంటల సమయంలో వేముగోడు గ్రామస్థులతో లోకేష్ సమావేశమై వారి సమస్యలపై చర్చించనున్నారు. సాయంత్రం 4.10 గంటలకు కోడుమూరు నియోజకవర్గంలోకి లోకేష్ పాదయాత్ర ప్రవేశిస్తుంది. అనంతరం 5.14 గంటలకు పర్కూరు గ్రామస్థులతో లోకేష్ సమావేశం కానున్నారు. అనంతరం కోడుమూరులో శివారులో బహిరంగ సభ నిర్వహిస్తున్నారు. నిన్న లోకేష్ పాదయాత్రలో వైసీీపీ కార్యకర్తలు కోడిగుడ్లు విసరడంతో భారీ పోలీసు బందోబస్తు ఏర్పాటు చేశారు.