క్యూలైన్ దాటి... తిరుమలలో రష్

ఈ నెల మొత్తం తిరుమలలో భక్తుల రద్దీ అలాగే ఉంటుందని చెబుతున్నారు. వేసవి సెలవులు పూర్తయ్యేంత వరకూ భక్తుల రద్దీ ఆగదని, ప్రజలు చూసుకుని తిరుమలకు రావాలని టీటీడీ అధికారులు కోరుతున్నారు. మూడు వందల రూపాయల ప్రత్యేక దర్శనం టిక్కెట్లు కొనుగోలు చేసిన భక్తులకు శ్రీవారి దర్శనం మూడు నుంచి నాలుగు గంటల సమయం పడుతుందని తిరుమల తిరుపతి దేవస్థానం అధికారులు తెలిపారు. నిన్న తిరుమల శ్రీవారిని 77,436 మంది భక్తులు శ్రీవారిని దర్శించుకున్నారు. వీరిలో 38,980 మంది భక్తులు తలనీలాలను సమర్పించుకుని తమ మొక్కులు చెల్లించుకున్నారని టీటీడీ అధికారులు వెల్లడించారు. నిన్న తిరుమల శ్రీవారి హుండీ ఆదాయం 3.77 కోట్ల రూపాయలు వచ్చిందని అధికారులు తెలిపారు.