నో వెయిటింగ్.. నేరుగా దర్శనం
నేడు తిరుమలలో భక్తులు వేచి చూడకుండానే నేరుగా క్యూలైన్‌లో వెళ్లి శ్రీవారిని దర్శించుకునేందుకు ఈరోజు వీలుంది
తిరుమలలో భక్తుల రద్దీ కొనసాగుతుంది. అయితే కంపార్ట్‌మెంట్లలో భక్తులు వేచి చూడకుండానే నేరుగా క్యూలైన్‌లో వెళ్లి శ్రీవారిని దర్శించుకునేందుకు ఈరోజు వీలుంది. సర్వదర్శనం క్యూ లైన్‌లో వేచి ఉన్న భక్తులకు శ్రీవారి దర్శనం ఐదు గంటల సమయం పడుతుందని తిరుమల తిరుపతి దేవస్థానం అధికారులు తెలిపారు. ఉదయం ఏడు గంటలకు టోకెన్లు లేకుండా సర్వదర్శనం క్యూ లైన్‌లో ప్రవేశించిన భక్తులకు మాత్రం శ్రీవారి దర్శనం పన్నెండు గంటల సమయం పడుతుందని అధికారులు తెలిపారు.
ప్రత్యేక దర్శనం...
మూడు వందల రూపాయల ప్రత్యేక దర్శనం టిక్కెట్లు కొనుగోలు చేసిన భక్తులకు మాత్రం రెండు గంటల్లో శ్రీవారి దర్శనం పూర్తవుతుందని తిరుమల తిరుపతి దేవస్థానం అధికారులు తెలిపారు. నిన్న తిరుమల శ్రీవారిని 75,789 మంది భక్తులు దర్శించుకున్నారని టీటీడీ అధికారులు తెలిపారు.వ ీరిలో 27,684 మంది భక్తులు తలనీలాలను సమర్పించి తమ మొక్కులు చెల్లించుకున్నారు. నిన్న తిరుమల శ్రీవారి హుండీ ఆదాయం 4.35 కోట్ల రూపాయలు వచ్చిందని టీటీడీ అధికారులు తెలిపారు.