Ys Sharmila : అన్నకు ఇన్విటేషన్.. కాంగ్రెస్ తో కన్సల్టేషన్
వైఎస్సార్టీపీ వైఎస్ షర్మిల నేడు విజయవాడ వెళుతున్నారు. తాడేపల్లిలోని జగన్ క్యాంప్ కార్యాలయానికి షర్మిల చేరుకుంటారు
వైఎస్సార్టీపీ వైఎస్ షర్మిల నేడు విజయవాడ వెళుతున్నారు. తాడేపల్లిలోని ముఖ్యమంత్రి జగన్ క్యాంప్ కార్యాలయానికి షర్మిల చేరుకుంటారు. తన సోదరుడు, ఏపీ ముఖ్యమంత్రి వైఎస్ జగన్ కు వివాహ ఆహ్వాన పత్రికను అందచేయనున్నారు. తన కుమారుడు రాజారెడ్డి, ప్రియా అట్లూరితో వివాహ నిశ్చితార్థంతో పాటు పెళ్లి వేడుకకు సంబంధించిన ఇన్విటేషన్ ను వైఎస్ షర్మిల జగన్ కు అందించనున్నారు. తన ఇంట్లో జరిగే తొలి శుభకార్యానికి హాజరుకావాలని అన్నకు ఇన్విటేషన్ అందించనున్నారు.
నేరుగా ఢిల్లీకి...
అదే సమయంలో విజయవాడ నుంచి నేరుగా ఢిల్లీకి విమానంలో బయలుదేరి వెళతారు. అక్కడి కాంగ్రెస్ అగ్రనేతలతో సమావేశమవుతారు. వైఎస్సార్టీపీని కాంగ్రెస్ లో విలీనం చేయనున్నారని చెబుతున్నారు. కాంగ్రెస్ లో తన పరిస్థితి పై ఆమె పార్టీ పెద్దలతో చర్చించనున్నారు వైఎస్ షర్మిల. ఏపీ కాంగ్రెస్ లో ఆమెకు కీలక బాధ్యతలను అప్పగించే ఆలోచన హైకమాండ్ చేస్తుందన్న ప్రచారం నేపథ్యంలో వైఎస్ షర్మిల ఢిల్లీ పర్యటన రాజకీయంగా ప్రాధాన్యత సంతరించుకుంది. సో.. నేడు షర్మిల అన్నకు ఇన్విటేషన్.. కాంగ్రెస్ తో కన్సల్టేషన్ కార్యక్రమాలతో బిజీగా ఉండనున్నారు.