Gold Price Today : పండగ పూట మహిళలకు షాకిచ్చిన బంగారం ధరలు

పసిడి అంటేనే భారత దేశంలో అమితంగా ఇష్టపడతారు. ఒకటి... బంగారం ఉంటే భద్రత ఉంటుందని.. రెండోది.. స్టేటస్ సింబల్. ఈ రెండు కారణాలతో బంగారానికి గిరాకీ ఎప్పుడూ తగ్గదు. అయితే ధరలు పెరిగినప్పుడల్లా ఉస్సూరమనిపించి ఇక కొనుగోలు చేయమని బయటకు చెబుతున్నప్పటికీ ఎప్పటికప్పుడు పుత్తడిని కొనుగోలు చేయడానికి అలవాటు పడిపోయారు. చిన్న ఫంక్షన్ అయినా చాలు బంగారు వస్తువు కానుకగా ఇవ్వడం ఇప్పుడు హాబీగా మారడంతో అది విలువైన వస్తువుగా మారుతుంది. ఎక్కువగా ఆభరణాలు కొనుగోలు చేస్తుండటంతో పెరిగిన ధరలతో పాటు అదనంగా జీఎస్టీ కూడా జమ అవుతుండటంతో వినియోగదారులకు మరింత భారమవుతుంది.

అయినా సరే బంగారం అమ్మకాలు ఏ మాత్రం తగ్గడం లేదు. అవి నిరంతరం కొనసాగుతూనే ఉంటాయి. 365 రోజుల పాటు పసిడి విక్రయాలకు ఢోకా ఉండదు. ఈరోజు బంగారం ధరలు పెరిగాయి. వెండి ధరలు కూడా కొద్దిగా పెరిగాయి. పది గ్రాముల బంగారం ధరపై పది రూపాయలు పెరిగింది. కిలో వెండి ధరపై వంద రూపాయలు పెరిగింది. హైదరాబాద్ బులియన్ మార్కెట్ లో బంగారం, వెండి ధరలు ఇలా ఉన్నాయి. 22 క్యారెట్ల పది గ్రాముల బంగారం ధర 70,960 రూపాయలుగా నమోదయింది. 24 క్యారెట్ల పది గ్రాముల బంగారం ధర 77,410 రూపాయలకు చేరుకుంది. కిలో వెండి ధర 1,02,100 రూపాయలు పలుకుతుంది.