వాహనదారులకు షాకిచ్చిన హీరో మోటో కార్ప్‌

దేశంలోనే అతిపెద్ద ద్విచక్ర వాహనాల తయారీ సంస్థ హీరో మోటో కార్ప్ రకరకాల వాహనాలను తయారు చేస్తూ అందుబాటులోకి తీసుకువస్తుంటుంది. అయితే సెలెక్టెడ్ మోటారు సైకిళ్లు, స్కూటర్లపై ధరలు పెంచనున్నట్లు తెలుస్తోంది పెంచనున్నది. అక్టోబర్ 3వ తేదీ నుంచి పెరిగిన ధరలు అమల్లోకి వస్తాయి కంపెనీ వెల్లడించింది. అయితే ముడి సరుకుల ధరలు పెరగడం కారణంగా ధరలను పెంచక తప్పడం లేదని హీరో మోటో తెలిపింది. ముడిసరుకు, లాజిస్టిక్, ప్రొడక్ట్ కాంపిటీటివ్‌నెస్ తదితర కారణాలతో ధరలు పెంచక తప్పడం లేదని శనివారం వెల్లడించింది. ఆయా మోడల్ మోటార్ సైకిళ్లు, స్కూటర్ల ధరల పెంపు వేర్వేరుగా ఉంటుందని తెలిపిన మోటో కార్ప్‌.. ఏయే మోడళ్ల ధరలు పెరుగుతాయన్న విషయం వెల్లడించలేదు.