Jio Offer: జియో న్యూఇయర్‌ అదిరిపోయే ఆఫర్‌.. అదనపు వ్యాలిడిటీ

Jio New Year Offer: న్యూఇయర్‌ సందర్భంగా మొబైల్‌ యూజర్లకు గుడ్‌న్యూస్‌ తెలిపింది రిలయన్స్‌ జియో. కొత్త సంవత్సరం సందర్భంగా ప్రత్యేక ఆఫర్‌తో ముందుకు వచ్చింది. ఏడాది వ్యాలిడిటీతో ఈ ఆఫర్‌ను తీసుకువచ్చింది జియో. 'హ్యాపీ న్యూ ఇయర్‌ ఆఫర్‌ 2024' పేరుతో అదనపు కాలపరిమితిని అందించనున్నట్లు ప్రకటించింది.యూజర్లకు ఈ ఆఫర్‌ ఇప్పటికే అందుబాటులోకి వచ్చింది. లాంగ్‌ టర్మ్‌ ప్లాన్‌ కోసం ఎదురు చూస్తున్న వారు ఈ ప్లాన్‌ను తీసుకోవడం ఉత్తమమని చెబుతోంది జియో.

అయితే రూ.2,999 ప్రీపెయిడ్‌ ప్లాన్‌ రీఛార్జితో 365 రోజుల పాటు వ్యాలిడిటీ అందిస్తోంది. ఈ ప్లాన్‌లో అపరిమిత వాయిస్‌కాల్స్‌, 100 SMSలతో పాటు రోజుకు 2.5 జీబీ డేటా అందిస్తోంది. జియో తీసుకొచ్చిన న్యూ ఇయర్‌ ఆఫర్‌లో భాగంగా రీఛార్జ్‌ చేసుకుంటే 24 రోజుల అదనపు వ్యాలిడిటీ పొందవచ్చని చెబుతోంది. అంటే మొత్తం 389 రోజులు వ్యాలిడిటీ ఉంటుందన్నట్లు. ఈ ఆఫర్‌లో భాగంగా జియో క్లౌడ్, జియో టీవీ, జియో సినిమా ఏడాది పాటూ ఉచితంగా వీక్షించవచ్చు.