MNP Rule: మీ మొబైల్ నంబర్ పోర్ట్ చేస్తున్నారా? ట్రాయ్ కొత్త నిబంధనలు
చాలా మంది మొబైల్ నెంబర్లను ఇతర నెట్‌వర్క్‌కు మారుస్తుంటారు. అయితే ఇది వరకు మొబైల్..
SIM Porting
చాలా మంది మొబైల్ నెంబర్లను ఇతర నెట్‌వర్క్‌కు మారుస్తుంటారు. అయితే ఇది వరకు మొబైల్ నంబర్‌ను పోర్ట్ పెట్టుకుంటే రెండు, మూడు రోజుల్లోనే అయిపోయేది. కానీ ఇప్పుడు అలా కాదు. ఒక మొబైల్ నెంబర్‌ను ఇతర నెట్‌వర్క్‌కు పోర్ట్ పెట్టుకోవాలంటే కొన్ని రోజులు ఆగాల్సిందే. మీ నంబర్‌ను పోర్టింగ్ చేయడం ఇకపై అంత సులభం కాదని గుర్తించుకోండి. టెలికాం రెగ్యులేటరీ అథారిటీ ఆఫ్ ఇండియా (TRAI) మొబైల్ నంబర్లను పోర్టింగ్ చేయడానికి ఒక నియమాన్ని అమలు చేసింది. ఈ నియమం జూలై 1, 2024 నుండి దేశవ్యాప్తంగా అమలులోకి వచ్చింది.
ఈ కొత్త నిబంధనల ప్రకారం.. మొబైల్ వినియోగదారులు ఇప్పుడు వారి నంబర్‌ను పోర్ట్ చేయడానికి కనీసం 7 రోజులు వేచి ఉండాలి. ఇప్పటి వరకు, వినియోగదారులు తమ మొబైల్ నంబర్‌ను పోర్ట్ చేయడానికి వేచి ఉండాల్సిన అవసరం ఉండేది కాదు. ఈ నిబంధనలు విధించడానికి కారణాలు కూడా ఉన్నాయి. వివిధ రకాల మోసాలను అరికట్టేందుకు ట్రాయ్ ఈ నిర్ణయం తీసుకుంది.
కొత్త నిబంధన ఎందుకు అమలులోకి వచ్చింది?
మొబైల్ ఫోన్ నంబర్ల ఆధారంగా మోసాలను నిరోధించేందుకు TRAI కొత్త నిబంధనను అమలులోకి తెచ్చింది. సిమ్ కార్డ్ మార్పిడి సంఘటనలను దృష్టిలో ఉంచుకుని TRAI కొత్త నిబంధనను అమలు చేసింది.
కొత్త రూల్ ఎలా పని చేస్తుంది?
మొబైల్ నంబర్ పోర్ట్ కోసం చేసిన అభ్యర్థనను 7 రోజుల్లోగా తిరస్కరించడానికి TRAI ఒక ఎంపికను ఇచ్చింది. ఈ కారణంగా, యూనిక్ పోర్టింగ్ కోడ్ అంటే UPC డిక్లరేషన్ ఆలస్యం అవుతుంది. SIM కార్డ్ మార్పిడి, SIM రీప్లేస్‌మెంట్ జరిగిన 7 రోజులలోపు UPC కోడ్ అందదు. దీని అర్థం మీ సిమ్ కార్డ్‌ని తక్షణమే మార్చడం ద్వారా ఎవరూ దుర్వినియోగం చేయలేరు. అంటే నకిలీ కొత్త సిమ్ ఇచ్చి ఎవరూ దుర్వినియోగం చేయలేరని అర్థం.
మొబైల్ నంబర్ పోర్టింగ్ అంటే ఏమిటి?
మొబైల్ నంబర్ పోర్టబిలిటీ లేదా MNP అనేది టెలికాం సర్వీస్ ప్రొవైడర్ అందించే సేవ. ఇది దాని వినియోగదారులను మరొక టెలికాం సేవకు మార్చడానికి అనుమతిస్తుంది. ఈ ప్రక్రియలో వినియోగదారు తన మొబైల్ నంబర్‌ను మార్చాల్సిన అవసరం లేదు. మీరు మీ సర్వీస్ ప్రొవైడర్‌తో సంతోషంగా లేకుంటే, మీరు మీ మొబైల్ నంబర్‌ను మరొక కంపెనీకి పోర్ట్ చేయవచ్చు.