నితిన్ గడ్కరీ వ్యాఖ్యలపై టాటా ఎండీ కీలక ప్రకటన
గత నాలుగైదు రోజుల కిందట కేంద్ర రవాణా శాఖ మంత్రి నితిన్ గడ్కరీ డీజిల్ వాహనాలపై కీలక ప్రకటన ఇచ్చారు. అయితే..
గత నాలుగైదు రోజుల కిందట కేంద్ర రవాణా శాఖ మంత్రి నితిన్ గడ్కరీ డీజిల్ వాహనాలపై కీలక ప్రకటన ఇచ్చారు. అయితే దేశంలో డీజిల్ కార్లపై 10 శాతం జీఎస్టీ విధించనున్నారనే వార్తలు వైరల్‌ అవుతున్న నేపథ్యంలో నితిన్ గడ్కరీ క్లారిటీ ఇచ్చారు. డీజిల్ వాహనాల విక్రయాలపై కేంద్రం 10 శాతం వరకు ట్యాక్స్‌ విధింపుపై కేంద్రం పరిశీలనలో లేదని, దీనిపై తాను క్లారిటీ ఇచ్చేందుకే మీడియా ముందుకు రావాల్సివచ్చిందని చెబుతూనే వాహనాల కంపెనీలకు సుతిమెత్తని షాకిచ్చారు. రాబోయే రోజుల్లో టాటాతో పాటు ఇతర వాహనాల కంపెనీలు డీజిల్‌తో తయారు చేసే వాహనాలను నుంచి కాలుష్యం తీవ్ర స్థాయిలోవెలువడుతోందని, డీజిల్ వాహనాలను నిలిపివేయాలని కోరారు. అంతేకాకుండా డీజిల్ వాహనాల ఉత్పత్తిని నిలిపివేయకుంటే 10 శాతం జీఎస్టీ విధించే విధంగా కేంద్ర మంత్రి నిర్మలాసీతారామన్‌తో మాట్లాడాతానని అన్నారు. కంపెనీలకు అదనపు ట్యాక్స్‌ పెంచినట్లయితే కంపెనీలు తీవ్ర భారం మోయాల్సి వస్తుందని, అందుకే కాలుష్యం వెదజల్లే అన్ని డీజిల్ వాహనాల ఉత్పత్తిని నిలిపివేయాలని కోరుతున్నానని అన్నారు. అయితే ఈ అంశంపై నితిన్ గడ్కరీ చేసిన ప్రకటనపై టాటా ఎండీ కీలక వ్యాఖ్యలు చేశారు.