Tirupati: తిరుపతిలోని ఆ కుటుంబంలో ఊహించని దారుణం

అన్న పిల్లలు దేవిశ్రీ, నీరజ లతో పాటు అన్న భార్య, సునీత ను హత్య చేసి గుడిమెట్ల మోహన్ ఆత్మహత్య చేసుకున్నాడు. ఘటనా స్థలానికి పోలీసులు చేరుకుని విచారణ చేపట్టారు. మోహన్ తన భార్యతో విడిపోయి బతుకుతున్నాడు. ఈ జంటను కలిపే ప్రయత్నంలో.. దాస్-సునీత మధ్యవర్తిత్వం వహించారు. ఈ ప్రయత్నాలు వీరి మధ్య గొడవలను పెంచాయి. దీంతో విసుగు చెందిన మోహన్ ఈ దారుణమైన ఘటనకు పాల్పడ్డాడని పోలీసులు అనుమానిస్తున్నారు. మృతదేహాలను పోస్ట్‌మార్టం కోసం పంపారు. ఘటనా స్థలానికి చుట్టుపక్కల ఉన్న అన్ని ప్రైవేటు సీసీ కెమెరాలను, పోలీస్ కంట్రోల్ రూమ్ కు అనుసంధానమైన సీసీ కెమెరాలను పోలీసులు పరిశీలిస్తున్నారు.