అపార్ట్ మెంట్లో అగ్నిప్రమాదం.. ఎలా జరిగింది ?

రాజేంద్ర నగర్ లోని ఓ అపార్ట్ మెంట్లో అగ్నిప్రమాదం జరిగింది. ఆదివారం హైదర్ గూడలోని ఇష్తా సిటీ అపార్ట్ మెంట్ లో అగ్నిప్రమాదం చోటుచేసుకుంది. ఫ్లాట్ నంబర్ 521లో ఒక్కసారిగా మంటలు చెలరేగాయి. ఫ్లాట్ లో నుంచి అగ్నికీలలు ఎగసి పడటం చూసిన అపార్ట్ మెంట్ వాసులు బయటకు పరుగులు తీశారు. వెంటనే అగ్నిమాపక సిబ్బంది, పోలీసులకు సమాచారం అందించగా.. వారు ఘటనా ప్రాంతానికి చేరుకున్నారు. మూడు ఫైరింజన్లతో అగ్నిమాపక సిబ్బంది మంటలను ఆర్పేందుకు ప్రయత్నిస్తున్నారు.