పాస్టర్ ప్రవీణ్ మృతి కేసులో.. 200 సీసీ కెమెరాలు పరిశీలించిన పోలీసులకు?

తూర్పుగోదావరి జిల్లాలో జరిగిన పాస్టర్ ప్రవీణ్ మృతి కేసులో మిస్టరీ వీడలేదు. ప్రమాదం జరిగిందా? లేక హత్య చేశారా? అన్న కోణంలో పోలీసులు దర్యాప్తు చేస్తున్నారు. పాస్టర్ ప్రవీణ్ పగడాల హైదరాబాద్ నుంచి రాజమండ్రికి తన బుల్లెట్ బైక్ పై బయలుదేరారు. అయితే విజయవాడలో మూడు గంటల పాటు ఎక్కడ ఉన్నారన్న దానిపై మాత్రం క్లారిటీ వచ్చింది. పాస్టర్ ప్రవీణ్ మూడు గంటల పాటు ఒక పార్కులో విశ్రాంతి తీసుకున్నారని పోలీసులు గుర్తించారు. ఈ నెల 24వ తేదీన హైదరాబాద్ లో బయలుదేరి విజయవాడకు చేరుకున్న పాస్టర్ ప్రవీణ్ విజయవాడలో మూడు గంటల పాటు ఒక పార్కులో విశ్రాంతి తీసుకుంటున్నట్లు పోలీసులు సీసీటీవీ ఫుటేజీ ద్వారా గుర్తించారు.