గూగుల్ మ్యాప్స్ ను నమ్మి కారు నడిపారు.. చివరికి

గూగుల్ మ్యాప్స్‌లోని సూచనలను అనుసరించి కారు నడిపిన కారణంగా ఇద్దరి ప్రాణాలు పోయాయి. కారుతో సహా నదిలో పడి ఇద్దరు యువ వైద్యులు కారు మరణించారు. వర్షాకాలంలో గూగుల్ మ్యాప్స్ ను ఉపయోగించే విషయమై జాగ్రత్తగా ఉండాలని కేరళ పోలీసులు హెచ్చరికలు జారీ చేశారు. త్రిసూర్ జిల్లాలోని ఓ ప్రైవేట్ ఆసుపత్రిలో పనిచేస్తున్న అద్వైత్ (29), అజ్మల్ (29) ఆదివారం తెల్లవారుజామున గూగుల్ మ్యాప్స్‌లో సూచనలను అనుసరిస్తూ గోతురుత్ వద్ద పెరియార్ నదిలోకి కారును పోనిచ్చారు. ఈ ప్రమాదంలో వారు ప్రాణాలు కోల్పోయారు. వీరితో పాటు ప్రయాణిస్తున్న మరో ముగ్గురు గాయాలపాలై సమీపంలోని ఆసుపత్రిలో చికిత్స పొందుతున్నట్లు పోలీసులు తెలిపారు. గూగుల్ మ్యాప్స్ అందించిన సూచనలను అనుసరించి డ్రైవర్ ఆ ప్రాంతానికి చేరుకున్నారని పోలీసుల విచారణలో తేలింది.