జియాగూడ హత్యకేసు.. నిందితులు స్నేహితులే

హైదరాబాద్ లోని పాతబస్తీలోని జియాగూడలో ఆదివారం పట్టపగలు నడిరోడ్డుపై.. సాయినాథ్ అనే అంబర్ పేట బతుకమ్మ కుంటకు చెందిన కార్పెంటర్ దారుణ హత్యకు గురయ్యాడు. ముగ్గురు వ్యక్తులు పక్కా ప్లాన్ ప్రకారం.. సాయినాథ్ ను వెంబడించి.. అదనుచూసి అతనిపై దాడి చేశారు. తీవ్రంగా కొట్టి.. కాలు విరిచేసి.. కత్తితో పొడిచి, గొడ్డలితో నరికి దారుణంగా హతమార్చారు. ఇంత జరుగుతున్నా.. బాధితుడు కేకలు పెడుతున్నా ఒక్కరూ అతడిని కాపాడేందుకు ముందుకి రాలేదు. చివరికి ఓ కానిస్టేబుల్ అక్కడికి రావడంతో.. నిందితులు పరారయ్యారు. అనంతరం వారు మరో పోలీస్ స్టేషన్లో లొంగిపోయారు.