బీమా డబ్బుల కోసం డ్రామా

మెదక్ జిల్లా కారు సజీవ దహనం కేసులో ట్విస్ట్ ను పోలీసులు కనుగొన్నారు. బీమా డబ్బుల కోసం ఈ డ్రామా ఆడినట్లు పోలీసుల దర్యాప్తులో తేలింది. సెక్రటేరియట్ ఉద్యోగి ధర్మానాయక్ ఈ నెల 9న కారు ప్రమాదంలో చనిపోయినట్లు నాటకం ఆడారు. దీంతో కుటుంబ సభ్యులు కారులో దొరికిన మృతదేహానికి అంత్యక్రియలను నిర్వహించారు. అయితే ప్రమాద స్థలంలో పెట్రోలు డబ్బా దొరకడంతో పోలీసులకు అనుమానమొచ్చి దర్యాప్తు చేయగా అసలు విషయం బయటపడింది.