ఫ్యాక్ట్ చెక్: 1000 సంవత్సరాల వయసు ఉన్న చెట్టుకు సహజంగా జంతువుల ముఖాలు వచ్చాయంటూ జరుగుతున్న ప్రచారంలో ఎలాంటి సంబంధం లేదు.

మనం పీల్చే గాలిని శుద్ధి చేయడం నుండి లెక్కలేనన్ని జీవ జాతులకు ఆశ్రయం, ఆహారాన్ని అందించడం వరకూ చెట్లు మన భూగ్రహానికి ఎంతో మేలు చేస్తాయి. మన దైనందిన జీవితాన్ని గడుపుతున్నప్పుడు, చెట్లు మనకు అందించే ఎన్నో ప్రయోజనాలను చేకూరుస్తాయి. భూమిపై జీవాన్ని నిలబెట్టడంలో అవి కీలక పాత్ర పోషిస్తాయి.

చెట్లు కార్బన్ డై ఆక్సైడ్‌ను పీల్చుకోవడం ద్వారా గాలిని శుభ్రపరచడంలో సహాయపడతాయి. వాతావరణ మార్పులతో పోరాడటానికి సహాయపడే కార్బన్‌ను నిల్వ చేయడంలో అడవులు ఎంతో గొప్ప పని చేస్తుంటాయి. వివిధ రకాల చెట్లను నాటడం ద్వారా, మనం పర్యావరణ వ్యవస్థలను కాపాడుకోవచ్చు. అడవులు అనేక జీవులకు ఆవాసాలను అందించడం ద్వారా జీవవైవిధ్యానికి తోడ్పడతాయి. పర్యావరణ వ్యవస్థ సమతుల్యతను కాపాడుకోవచ్చు. చెట్లు నేల కోతకు గురవ్వకుండా నిరోధిస్తాయి. చెట్ల ఆకులు సేంద్రియ పదార్థాలుగా మారి భూమి సారం పెరగడానికి తోడ్పడుతాయి.

భారతదేశంలో ఎన్నో రకాల చెట్లను, మొక్కలను పూజిస్తారు. ఎన్నో ఏళ్ల నాటి చెట్లు కూడా భారతదేశంలో ఉన్నాయి. ప్రపంచ రికార్డు సాధించిన భారీ వృక్షాలను కూడా మనం చూశాం.

అయితే ఓ చెట్టుకు సంబంధించిన వీడియో సోషల్ మీడియాలో వైరల్ అవుతూ ఉంది. ఆ చెట్టుకు కింద భాగంలో జంతువుల తలలు ఉండడం ఆ వీడియోలో చూడొచ్చు. ఆ వీడియోను షేర్ చేస్తున్న వ్యక్తులు సహజంగా చెట్టు కింద భాగంగా పలు జంతువుల తలలు ఏర్పడ్డాయంటూ ప్రచారం చేస్తూ ఉన్నారు. ఆ చెట్టు వయసు 1000 సంవత్సరాల పైగానే అంటూ కూడా ప్రచారం చేస్తున్నారు.

"1000 సంవత్సరాల వయసు ఉన్నా ఈ చెట్టు కు ఉన్న వేళ్ళకు 101 జంతువుల రూప రేఖల నమూనాలు" అంటూ పోస్టులు పెడుతున్నారు.