ఫ్యాక్ట్ చెక్: ఓరియో బిస్కెట్‌లు ఎంత కాల్చినా కరగవనే వాదనలో నిజం లేదు.

ఫ్యాక్ట్ చెక్:

ఓరియో కుక్కీలు అధిక వేడిలో కూడా కరగవు, క్యాన్సర్‌కు కారణమయ్యే పదార్థాలతో తయారు చేశారనే వాదన తప్పుదారి పట్టిస్తూ ఉంది. అధిక వేడి కి ఓరియో కరగదా అని తనిఖీ చేసినప్పుడు, అధిక వేడికి గురైనప్పుడు ఓరియో కరిగిపోతుందని చూపించే కొన్ని వీడియోలు, కథనాలను మాకు లభించాయి.

ది వాల్ స్ట్రీట్ జర్నల్ ప్రచురించిన ఒక వీడియోను కూడా కనుగొన్నాము. ఊశాలో విక్రయించే ఓరియో కుక్కీల తయారీలో ఉపయోగించే పదార్థాలను తెలియజేస్తుంది. వీడియోలో షేర్ చేసిన స్క్రీన్‌షాట్‌లో ఓరియో తయారీ పదార్థాలను చూడవచ్చు.

జూన్ 2024లో ప్రచురించిన టైమ్స్ నౌ వార్తా కథనం ప్రకారం, 1912లో అమెరికన్ కుకీ తయారీదారు నాబిస్కో ఈ కుకీని మొదటిసారిగా పరిచయం చేశారు. ఇప్పుడు ఓరియో మోండెలెజ్ ఇంటర్నేషనల్ యాజమాన్యంలో ఉంది. వందకు పైగా దేశాల్లో లభిస్తున్న ఓరెఒ బిస్కెట్లు, వివిధ రకాల రుచులలోనూ, పరిమిత-ఎడిషన్స్ లోనూ లభిస్తున్నాయి.

ఓరియో బిస్కట్స్ లోని ప్రధాన పదార్థాలు: బ్లీచ్ చేయని పిండి, అధిక ఒలేయిక్ కనోలా ఆయిల్ లేదా పామాయిల్, కోకో, ఫ్రక్టోజ్ కార్న్ సిరప్, బేకింగ్ సోడా, కార్న్ స్టార్చ్, ఉప్పు, సోయా లెసిథిన్, వెనిలిన్, చాక్లెట్ వంటి లీవెనింగ్ ఏజెంట్

విపరీతంగా కుకీలను తినడం వల్ల ఆరోగ్యంపై ప్రతికూల ప్రభావాలను కలిగిస్తుంది. నిపుణుల అభిప్రాయం ప్రకారం, మహిళలు గరిష్టంగా 2000 కేలరీలు, పురుషులు 2500 కేలరీలు ఒక రోజులో తీసుకుంటారు. పది ఓరియో కుక్కీలను తినడం వల్ల మీకు 700 కేలరీలు శరీరంలోకి వస్తాయి. వీటి వలన శరీరంలో కొవ్వు పేరుకుపోవడమే కాకుండా, ఊబకాయం, గుండె జబ్బులు, అధిక రక్తపోటు, అధిక కొలెస్ట్రాల్, గుండెపోటు, కిడ్నీ సమస్యలు, మెటబాలిక్ సిండ్రోమ్ లకు దారి తీస్తాయి.

అధిక ఫ్రక్టోజ్, చక్కెర, కనోలా నూనెలతో తయారైన ఆహారాన్ని తినడం వల్ల సమస్యలు తలెత్తుతాయి. కనోలా నూనె, చక్కెర రెండూ జ్ఞాపకశక్తిపై ప్రభావం చూపుతాయని అధ్యయనాలు సూచిస్తున్నాయి. ఇటీవలి అధ్యయనంలో, కనోలాతో తయారైన వస్తువులను తిన్న వాళ్ల మెదడు పనితీరులో ఒత్తిడిని ఎదుర్కొన్నారు. ప్రాసెస్ చేసిన చక్కెర, కనోలా నూనె రెండూ రక్తంలో ఇంటర్‌లుకిన్-6 స్థాయిలను గణనీయంగా తగ్గిస్తాయి. ఇది గుండె మంటను ప్రోత్సహించే పదార్ధం.

ఈ పబ్లికేషన్‌లలో కుకీలలో క్యాన్సర్ కలిగించే పదార్థాల గురించి ప్రస్తావించలేదు. అక్టోబరు 2021లో ది స్ట్రెయిట్స్ టైమ్స్ ప్రచురించిన కథనంలో.. బిస్కెట్లు ఇతర బేకెడ్, వస్తువులు మితంగా తింటే సురక్షితంగా ఉంటాయని సింగపూర్ ఫుడ్ ఏజెన్సీ పేర్కొంది. అక్రిలామైడ్ అనేది క్యాన్సర్ కు కారణమవుతుంది. ఇది బిస్కెట్లు, కుకీలు ఇతర బేకెడ్ ఆహార పదార్థాలలో కనుగొంటారు. అక్రిలామైడ్ అనేది ఆహార ప్రాసెసింగ్ లేదా ఉత్పత్తులను తయారు చేసే సమయంలో ఉత్పత్తి అవుతుంది. అయితే తగిన ముడి పదార్థాలు, ఇతర ప్రక్రియల ద్వారా వీటి ఉత్పత్తిని నియంత్రించవచ్చు.