Tamarind Leaves : వేసవిలో దొరికే చింత చిగురు.. పుల్లన.. దీనిని ఎవరు తినకూడదో తెలుసా?

చింత చిగురు ఇది వగరు మరియు పులుపు రసాలని కలిగి ఉంటుంది. రుచిని మాత్రం అమోఘంగా ఉంటుంది. జీర్ణక్రియకు మేలు చేస్తుందని ఆయుర్వేద వైద్యులు తెలిపారు. కఫ మరియు వాతాలని అద్భుతంగా నిర్మూలిస్తుందని తెలిపారు. * చింతచిగురు ఎక్కువుగా వేసవికాలంలోనే దొరకుతుంది. కాని ఒక ప్రక్రియ ద్వారా అకాలంలో కూడా చింతచిగురు పొందే అవకాశం ఉన్నా అది అంత రుచిగా ఉండదని, ఈ వేసవిలో దొరికే చింతచిగురులో రుచితో పాటు ఆరోగ్య పరమైన లక్షణాలు కూడా అధికంగా ఉంటాయని వైద్యులు పేర్కొంటున్నారు.

చింతచిగురు శరీరానికి వేడిచేస్తుందని అందరూ భావిస్తారు. కాని వేసవికాలంలో దీనిని తినడం వలన ఒక మంచిగుణం ఉంది. వేసవిలో చెమట విస్తారంగా పడుతుందని, చింతచిగురు తరచుగా ఉపయోగిస్తే చెమట అంత ఎక్కువుగా పట్టదని వైద్యులు చెబుతున్నారు. చింతచిగురు వాత వ్యాధులని , మూలరోగాన్ని , శరీరంలో ఏర్పడే గుల్మములను తగ్గిస్తుందని కూడా చెబుతున్నారు. పైత్యం , వికారం వంటివి కూడా తగ్గిస్తుందని అంటున్నారు. కొన్ని ప్రాంతాలతో ముదురు చింతాకుని ఎండబెట్టి చింతపండుకి బదులుగా వాడతారు. ఎండబెట్టిన ముదురు చింతాకును పొడిచేసి పుల్లకూరగా వండవచ్చు . ఒంగోలు ఏరియాలో దీనికి ప్రాముఖ్యత ఎక్కువగా ఉంటుంది. అయితే కంటి సంబంధిత వ్యాధులు కలవారు దీన్ని అధికంగా తినకూడదని వైద్యులు చెబుతున్నారు.