ఎంతో పవర్ ఫుల్ గా కనిపిస్తున్న నాగార్జున

కింగ్ అక్కినేని నాగార్జున నటిస్తున్న పాన్-ఇండియా చిత్రం 'బ్రహ్మాస్త్ర' సినిమాలో ఆయన ఫస్ట్ లుక్‌ని చిత్ర దర్శకుడు అయాన్ ముఖర్జీ రివీల్ చేశారు. రణబీర్ కపూర్, అలియా భట్ ముఖ్యపాత్రలుగా నటిస్తున్న ఈ చిత్రంలో నాగార్జున అనీష్ అనే ఆర్టిస్ట్ పాత్రను పోషించారు. "బ్రహ్మాస్త్ర: పార్ట్ వన్ శివ"తో పాన్-ఇండియా సినిమాని రూపొందించాలనే తన కలను నెరవేర్చడంలో నాగార్జున తనకు సహాయం చేశారని అయాన్ ముఖర్జీ అన్నారు. భారీ బడ్జెట్‏తో తెరకెక్కిస్తున్న ఈ సినిమాకు అయాన్ ముఖర్జీ దర్శకత్వంలో వహిస్తున్నారు. ఈ మూవీ ఫస్ట్ పార్ట్ ని శివ పేరుతో ప్రేక్షకుల ముందుకు తీసుకురానున్నారు. పాన్ ఇండియా స్థాయిలో 2022 సెప్టెంబర్ 9న హిందీ తెలుగు తమిళం కన్నడ మలయాళ భాషల్లో ఈ సినిమా విడుదల కానుంది. ఈ సినిమాలో అనిష్ విశిష్ట్ పాత్రలో నాగార్జున్ కనిపించనున్నారు. "సహస్ర నందిమ్ సామర్ధ్యం.. హే నంది అస్త్రం.. ఖండ ఖండ ఖురు.. మామ్ సహాయకం, మామ్ సహాయకం" అంటూ విడుదల చేసిన పోస్టర్ ఆకట్టుకుంటోంది. ఈ సినిమా మొదటి భాగం ట్రైలర్ ఈ నెల 15న విడుదల చేయనున్నారు.