Breaking : అల్లు అర్జున్ పోలీసులపై అసహనం.. బెడ్ రూంలోకి వస్తారా?

ఎలాంటి సమాచారం లేకుండా సంధ్య థియేటర్ కు పుష్ప ప్రీమియర్ షోకు రావడంతో అక్కడ తొక్కిసలాట జరిగి ఒక మహిళ మరణించిన సంగతి తెలిసిందే. ఒక బాలుడు చికిత్స పొందుతున్నారు. . ఈ ఘటనపై సీరియస్ గా తీసుకున్న పోలీసులు ఆయనపై కేసు నమోదు చేశారు. అల్లు అర్జున్ తో పాటు సంధ్య థియేటర్ యాజమాన్యంపై కూడా కేసు నమోదు చేశారు. కానీ న్యాయస్థానంలో అల్లు అర్జున్ కు బెయిల్ లభించే అవకావాలు కూడా ఉన్నాయని న్యాయనిపుణులు చెబుతున్నారు. తనకు తెలియకుండా జరిగిన ఘటన కావడంతో పాటు అల్లు అర్జున్ ను అరెస్ట్ చేసే సమయంలో ఆయన పోలీసులపై కొంత అసహనం వ్యక్తం చేసినట్లు సమాచారం. పోలీసులు తనను తీసుకెళ్లడంలో అభ్యంతరం లేదని, అయితే నేరుగా బెడ్ రూంలోకి వచ్చి పోలీసులు అరెస్ట్ చేయడం ఏంటని ఆయన పోలీసులను ప్రశ్నించినట్లు చెబుతున్నారు. మరోవైపు అల్లు అర్జున్ తనపై నమోదయిన కేసును కొట్టివేయాలంటూ హైకోర్టును ఆశ్రయించారు. దీనిపై విచారణ జరగాల్సి ఉంది. అల్లు అర్జున్ కు ఆసుపత్రిలో వైద్య పరీక్షలునిర్వహించిన తర్వాత న్యాయస్థానంలో ప్రవేశపెట్టే అవకాశముంది. అల్లు అర్జున్ ను ప్రస్తుతం ఉస్మానియ ఆసుపత్రి కి వైద్య పరీక్షల నిమిత్తం తరలించారు.