Pushpa Jagadish : మహిళ ఆత్మహత్య.. పుష్ప నటుడు 'కేశవ' అరెస్ట్..

Pushpa Jagadish : అల్లు అర్జున్ 'పుష్ప' సినిమాలో హీరో పక్కన స్నేహితుడిగా 'కేశవ' అనే పాత్రలో నటించి మంచి ఫేమ్ ని సంపాదించుకున్న నటుడు జగదీశ్. తాజాగా ఈ నటుడిని పోలీసులు అరెస్ట్ చేసి కోర్టులో హాజరుపరిచారని సమాచారం. జగదీశ్ కారణంగా ఒక మహిళ జూనియర్ ఆర్టిస్ట్ ఆత్మహత్య చేసుకుందని చెబుతున్నారు. ప్రస్తుతం ఈ వార్త వైరల్ గా మారింది. అసలు ఏమైంది..?

హైదరాబాద్ పంజాగుట్ట ప్రాంతంలో నివాసం ఉంటున్న ఒక మహిళ జూనియర్ ఆర్టిస్ట్ ని జగదీష్ బెదిరింపులకు గురి చేశాడట. గత నెల 27న ఆ మహిళ ఒక వ్యక్తితో ఉన్న సమయంలో.. జగదీశ్ ఆమెకు తెలియకుండా కొన్ని ఫోటోలు తీశాడట. ఆ ఫోటోలను చూపిస్తూ ఆమెను బెదిరిస్తూ వచ్చాడట. దీంతో ఆ మహిళ తీవ్ర మనస్తాపానికి గురయ్యి ఉరివేసుకొని ఆత్మహత్య చేసుకుందట.

మహిళ మరణంతో జగదీశ్ పరారీ అయ్యాడట. అయితే పోలీసులు అతని కనిపెట్టి అరెస్ట్ చేసి కోర్టులో హాజరుపరిచారు. ఈ కేసుకి సంబంధించిన పూర్తి వివరాలు తెలియాల్సి ఉంది. ప్రస్తుతం ఈ వార్త ఇండస్ట్రీలో హాట్ టాపిక్ గా మారింది. పుష్ప సినిమాతో ఓవర్ నైట్ గుర్తింపుని సంపాదించుకున్న జగదీశ్.. ఇలా ఒక మహిళ మరణానికి కారణం అవ్వడం ఏంటి..? అసలు నిజంగా ఏం జరిగిందని అందరూ అరా తీస్తున్నారు.

కాగా పుష్ప 2 సినిమా షూటింగ్ కి ఇటీవలే కొంచెం బ్రేక్ ఇచ్చారు. ఈ మూవీలో జాతర సీక్వెన్స్ లో అల్లు అర్జున్ అమ్మోరు గెటప్ లో కనిపించనున్న సంగతి తెలిసిందే. ఇక ఈ గెటప్ తో డాన్స్ వేయడంతో పాటు పవర్ ఫుల్ ఇంటెన్స్ ఫైట్ సీక్వెన్స్ కూడా చేయనున్నారు. మూవీలో ఈ సీక్వెన్స్ హైలైట్ కావడంతో.. అల్లు అర్జున్ గంటల తరబడి ప్రాక్టీస్ చేశారట. రెస్ట్ లేకుండా ప్రాక్టీస్, వెంటనే షూటింగ్ లో పాల్గొనడంతో అల్లు అర్జున్ కి తీవ్రమైన వెన్ను నొప్పి వచ్చిందట. దీంతో డాక్టర్స్ రెస్ట్ అవసరం అని చెప్పడంతో షూటింగ్ కి బ్రేక్ ఇచ్చారు.