దేవిశ్రీ ప్రసాద్ కు బీజేపీ ఎమ్మెల్యే వార్నింగ్

దేవిశ్రీ ప్రసాద్ చేసిన వ్యాఖ్యలు హిందువుల మనోభావాలు దెబ్బతినేవిధంగా ఉన్నాయని రాజాసింగ్ ఆగ్రహం వ్యక్తం చేశారు. ఐటెంసాంగ్స్ తో భక్తిగీతాలను ఏ విధంగా పోల్చుతారని ప్రశ్నించారు. ఐటెంసాంగ్స్ ను భక్తిగీతాలతో పోల్చడంతో హిందువులంతా దేవిశ్రీప్రసాద్ పై తీవ్ర ఆగ్రహం వ్యక్తం చేస్తున్నారని, వెంటనే అతను హిందువులకు క్షమాపణలు చెప్పాలని ఎమ్మెల్యే రాజాసింగ్ డిమాండ్ చేశారు. క్షమాపణలు చెప్పని తరుణంలో అతను ఇక బయట తిరగలేరని వార్నింగ్ ఇచ్చారు. దేవిశ్రీ తన తప్పు తెలుసుకుని హిందువులకు క్షమాపణలు చెప్పకపోతే.. ప్రజలు చెప్పులతో తరిమికొడతారని హెచ్చరించారు. పుష్ప సినిమా ఐటమ్ సాంగ్‌లో కొన్ని పదాలను దేవుడి శ్లోకాలతో పోల్చటాన్ని ఖండిస్తున్నామని రాజాసింగ్ అన్నారు.