వెంకటేష్ కూతురి ఎంగేజ్మెంట్‌లో చిరు, మహేష్.. ఫోటోలు చూశారా..
వెంకటేష్ కూతురి ఎంగేజ్మెంట్ వేడుక నిన్న హైదరాబాద్ లో చాలా సింపుల్ గా జరిగిపోయింది. చిరంజీవి, మహేష్ బాబు, నాగచైతన్య..
టాలీవుడ్ ఫ్యామిలీస్ లో వరుసగా పెళ్లి భజంత్రీలు మోగుతూ వస్తున్నాయి. తాజాగా దగ్గుబాటి కుటుంబంలో పెళ్లి సందడి మొదలయింది. విక్టరీ వెంకటేష్ కుమార్తె ఎంగేజ్మెంట్ నిన్న అక్టోబర్ 25న హైదరాబాద్ లోని ఒక హోటల్ లో చాలా సింపుల్ గా జరిగిపోయింది. విక్టరీ వెంకటేష్ ముగ్గురు ఆడపిల్లలు, ఒక అబ్బాయి అన్న విషయం అందరికి తెలిసిందే. వీరిలో ఆల్రెడీ పెద్ద అమ్మాయికి పెళ్లి అయ్యిపోయింది.
ఇప్పుడు రెండో కూతుర్ని అత్తారింటికి పంపించేందుకు వెంకటేష్ సిద్దమయ్యాడు. నిన్న జరిగిన ఈ ఎంగేజ్మెంట్ కార్యక్రమానికి దగ్గుబాటి మరియు వరుడు కుటుంబసభ్యులతో పాటు ఇండస్ట్రీ నుంచి కొందరు ప్రముఖులు ఈ వేడుకకు హాజరయ్యారు. ఈక్రమంలోనే మెగాస్టార్ చిరంజీవి దంపతులు, సూపర్ స్టార్ మహేష్ బాబు, అక్కినేని నాగచైతన్యతో పాటు మరికొందరు హాజరయ్యినట్లు సమాచారం.
ప్రస్తుతం ఈ ఎంగేజ్మెంట్ కి సంబంధించిన ఫోటోలు నెట్టింట వైరల్ గా మారాయి. మహేష్ బాబును చూసి పెద్దోడి కూతురు ఎంగేజ్మెంట్ కి చిన్నోడు అంటూ కామెంట్స్ చేస్తున్నారు. ఇక వెంకటేష్ కి కాబోయే అల్లుడు గురించిన విషయాలు అంటే.. అతడు విజయవాడకు చెందిన ఓ డాక్టర్ కుటుంబంలోని అబ్బాయి అని సమాచారం. ప్రస్తుతం అతను ఏం చేస్తున్నాడు అనేది సమాచారం లేదు.