ఏఎన్నార్ విగ్రహావిష్కరణ వేడుక.. వెంకయ్య నాయుడు, మహేష్, చరణ్..

హైదరాబాద్ లోని అన్నపూర్ణ స్టూడియోలో ఏఎన్నార్ విగ్రహాన్ని ఏర్పాటు చేశారు. ఈ విగ్రహావిష్కరణకు అక్కినేని ఫ్యామిలీతో పాటు సినీ, రాజకీయ ప్రముఖులు కూడా హాజరయ్యి ఏఎన్నార్ కి నివాళులు అర్పించారు. మాజీ ఉపరాష్ట్రపతి వెంకయ్య నాయుడు ఈ కార్యక్రమానికి ముఖ్య అతిథిగా వచ్చారు. ఆయన చేతులు మీదుగా ఈ విగ్రహావిష్కరణ జరిగింది. ఇక సినీ పరిశ్రమ నుంచి మహేష్ బాబు, రామ్ చరణ్, జగపతి బాబు, బ్రహ్మానందం, మంచు విష్ణు, నాజర్.. తదితరులు ఈ వేడుకకు హాజరయ్యి అక్కినేని నాగేశ్వరరావుకి నివాళులు అర్పించారు.

ప్రస్తుతం ఈ వేడుకకు సంబంధించిన ఫోటోలు, వీడియోలు నెట్టింట వైరల్ అవుతున్నాయి. ఇక ఏఎన్నార్ శతజయంతి కావడంతో సినీ ప్రముఖులు ఆయనను గుర్తు చేసుకుంటూ సోషల్ మీడియాలో పోస్టులు వేస్తున్నారు. ఈక్రమంలోనే చిరంజీవి ఆయనకు నివాళి అర్పిస్తూ ట్విట్టర్ లో ఒక ట్వీట్ చేశాడు. తెలుగు సినిమా బ్రతికినంత వరకు అక్కినేని నాగేశ్వరరావు తెలుగు ప్రేక్షకుల మనస్సుల్లో ఎప్పటికీ ఉంటారని పేర్కొన్నాడు.