నాన్న చాలా ప్రశాంతంగా వెళ్లిపోయారు.. ఆ మూడంటే చాలా ఇష్టం : రవిబాబు

ప్రముఖ టాలీవుడ్ నటుడు, తన తండ్రి చలపతి రావు మరణంపై నటుడు, దర్శకుడు రవిబాబు స్పందించారు. అందరూ అనుకున్నట్టు చలపతిరావు కన్నుమూసింది ఆదివారం తెల్లవారుజామున కాదు.. శనివారం రాత్రి 8.30 గంటలకు ఆయన తనువు చాలించారని రవిబాబు తెలిపారు. 'నిన్న రాత్రి 8.30 గంటలకు నాన్నగారు కన్నుమూశారు. ఆయన జీవితంలో ఎలా హ్యాపీగా ఉన్నారో, అందరినీ ఎలా నవ్విస్తూ ఉండేవారో అలానే ప్రశాంతంగా వెళ్లిపోయారు. భోజనం చేసి, చికెన్ కూర, చికెన్ బిర్యాని తిన్నారు. ఆ ప్లేట్ ను ఇచ్చి వెనక్కివాలిపోయారు. అంత సింపుల్ గా, హ్యాపీగా వెళ్లిపోయారు. ఈ రోజే అంత్యక్రియలు నిర్వహిద్దామనుకున్నాం. కానీ, మా సిస్టర్స్ అమెరికాలో ఉన్నారు. వాళ్లు రావడానికి టైం పడుతుంది. మంగళవారం మంచి రోజు కాదు కాబట్టి బుధవారం నిర్వహిస్తాం' అని రవిబాబు మీడియాకు తెలిపారు.