కల్కి 2898 AD నుంచి ప్రభాస్ న్యూ లుక్ ఫోటో లీక్..

ఈ మూవీ సంబంధించిన VFX వర్క్స్ పలు దేశాల్లోని టాప్ గ్రాఫిక్ కంపెనీల్లో జరుగుతున్నాయి. తాజాగా ఒక కంపెనీ నుంచి ప్రభాస్ లుక్ ఒకటి లీక్ అయ్యి సోషల్ మీడియాలో వైరల్ అయ్యింది. ఇక ఈ విషయం పై కల్కి మేకర్స్ సీరియస్ అయ్యారు. సంబంధిత VFX కంపెనీ పై పోలీస్ కంప్లైంట్ ఇచ్చారు. అనధికారికంగా ఫోటోని లీక్ చేసినందుకు ఆ కంపెనీ పై చర్యలు తీసుకోవాలంటూ కేసు నమోదు చేసినట్లు ఫిలిం వర్గాల్లో వార్తలు వినిపిస్తున్నాయి. ఇక ఆ లీక్ అయిన ఫోటోని సోషల్ మీడియా ప్లాట్‌ఫార్మ్స్ నుంచి తొలిగించేలా చర్యలు చేపట్టారు.

అలాగే అభిమానులను కూడా ఆ ఫోటోని షేర్ చేయొద్దు అంటూ కోరుతున్నారు. కాగా ఈ సినిమాని సి అశ్వినీ దత్.. వైజయంతి మూవీస్ బ్యానర్ పై దాదాపు 600 కోట్ల బడ్జెట్ తో ఎంతో ప్రతిష్టాత్మకంగా నిర్మిస్తున్నారు. ఈ సినిమాలో కమల్ హాసన్, అమితాబ్ బచ్చన్, దీపికా పదుకొనె, దిశా పటాని వంటి స్టార్ యాక్టర్స్ నటిస్తున్నారు. కమల్ హాసన్ విలన్ పాత్రని పోషిస్తున్నాడు. అక్టోబర్ నుంచి కమల్ ఈ మూవీ సెట్స్ లోకి అడుగుపెట్టనున్నాడని సమాచారం. సంతోష్ నారాయణ్ ఈ సినిమాకి సంగీతం అందిస్తున్నాడు. వచ్చే ఏడాది సంక్రాంతికి ఈ సినిమా రిలీజ్ చేస్తామంటూ మేకర్స్ ప్రకటించినప్పటికీ.. అప్పుడు రిలీజ్ కావడం కష్టమని తెలుస్తుంది.